İstifadə şərtləri

Narçiçək bir marketplace-dir: məhsulu hazırlayan və sifarişi yerinə yetirən müstəqil çiçəkçi mağazalardır. Platforma sifarişin verilməsini, ödəniş qaydasını və çatdırılmanın təşkilini təmin edir.

Məhsulun keyfiyyəti və tərkibi üçün birbaşa məsuliyyət satıcı çiçəkçinin üzərindədir; mübahisə halında platforma tərəflər arasında vasitəçilik edir.

Sifariş vermək üçün doğru e-poçt və telefon nömrəsi ilə hesab yaradılmalıdır.

Şifrənin gizli saxlanması istifadəçinin məsuliyyətidir.

Qaydaları pozan hesab dayandırıla bilər.

Sifariş verildikdən sonra çiçəkçiyə göndərilir; çiçəkçi qəbul edənə qədər sifariş təsdiqlənmiş sayılmır.

Məhsul mövcud olmadıqda və ya çatdırılma mümkün olmadıqda sifariş ləğv edilir və ödənilmiş məbləğ qaytarılır.

Ekranda göstərilən yekun məbləğ məhsulun qiyməti, çatdırılma haqqı və varsa xüsusi saat haqqından ibarətdir.

Yekun məbləğ sifariş yaradılarkən server tərəfində yenidən hesablanır. Ekrandakı rəqəmlə uyğun gəlmirsə sifariş yaradılmır və sizə xəbər verilir — bu, səhv məbləğlə sifarişin qeydə düşməməsi üçündür.

Hazırda ödəniş qapıda nağd şəkildə həyata keçirilir.

Onlayn ödəniş üsulları işə düşəndə saytda göstəriləcək və bu şərtlər yenilənəcək.

Göstərilən çatdırılma vaxtı mağazanın iş saatı, məhsulun hazırlıq müddəti və zona məsafəsi əsasında hesablanmış təxmindir — dəqiq zəmanət deyil.

Alıcının ünvanda olmaması, yanlış ünvan və ya nömrə, hava və yol şəraiti kimi bizdən asılı olmayan hallar çatdırılmanı gecikdirə bilər.

Canlı çiçək mövsümi məhsuldur. Buketdəki hansısa çiçək tapılmadıqda çiçəkçi onu eyni və ya daha yüksək dəyərli, buketin ümumi görünüşünü qoruyan çiçəklə əvəz edə bilər.

Əvəzləmə buketin ümumi xarakterini dəyişmirsə, sifariş düzgün yerinə yetirilmiş sayılır.

Çiçəkçi hazırlamağa başlamamışdan əvvəl ləğv sorğusu göndərilə bilər.

Hazırlanmış və ya yola çıxmış sifariş, həmçinin fərdi sifarişlə hazırlanan buketlər ləğv edilə bilməyə bilər.

Ləğvetmə və geri qaytarmanın detallı qaydaları ayrıca sənəd kimi hazırlanır.

Rəy yalnız həmin məhsulu real olaraq sifariş etmiş və sifarişi çatdırılmış istifadəçi tərəfindən yazıla bilər.

Təhqiramiz, reklam xarakterli və ya yalan məzmunlu rəylər silinə bilər.

Sistemə avtomatlaşdırılmış hücum, başqasının hesabına giriş cəhdi, saxta sifariş və platformanın işini pozan hərəkətlər qadağandır.

Belə hallarda hesab dayandırılır və zərurət olduqda müvafiq orqanlara müraciət edilir.

Platforma texniki fasilələr, üçüncü tərəf xidmətlərinin dayanması və bizdən asılı olmayan gecikmələr üçün məsuliyyət daşımır.

Hər halda məsuliyyət konkret sifarişin məbləği ilə məhdudlaşır.

Şərtlər yeniləndikdə yuxarıdakı tarix dəyişir. Platformadan istifadəyə davam etmək yenilənmiş şərtlərin qəbulu deməkdir.